Paano ka ba magmahal... isang linya na palagi nating naririnig sa pelikulang heavy drama, o kaya'y sa Maalaala Mo Kaya, naririnig sa mga dula sa radyo, sa mga nakakabagbag damdaming awiting, o kaya'y nababasa sa mga pocketbooks, blogs sa internet at sa kung anu ano pa... Pero natanong na ba natin ang mga sarili natin kung paano tayo magmahal?..
Paano ba magmahal si Miko's Mistress?... ang sumusunod ay ang mga pagpakagaga ko dahil sa pagmamahal hehehehe..
1. Kailangang makita o makausap ko sya araw araw (text included).. This explains ang pagkaburaot ko pag di nagtetext si Miko. Nung nasa pinas pa ako kesehodang araw araw akong nakikita sa may eskinita malapit sa kanila. Pakialam ko ba sa mga tsismosa dun sa kanila. Mamatay kayo sa inggit. O di kaya'y ipapasundo ko na lang sa driver para dun naman kami sa bahay kubo ng buong maghapon... over noh? pero number one pa lang po yan...
2. Pag umaalis ako sa Poland (pulo o isla) kailangan me pasalubong ako pagbalik. Ilang Penshoppe na t shirt na kaya ang nabili ko ke mokong? Baka nga yung iba nagkapareho na pala ng designs sa dami ng nabili o di kaya'y tsinelas ng bench... nagpagawa na nga ako ng sariling aparador sa bahay kubo para sa mga tsinelas naming dalawa kasi yon din ang passion ko kaya kung meron ako dapat meron din sya...
3. Pag umiinom ako kelangan anjan din sya. Di ako pwedeng lumaklak ng alak na wala sya. Alam nyo naman po ang inyong lingkod miminsan lang uminom pero kelangan wakwak ang atay bago tumigil dahil inaabot po ako ng dalawang araw kung minsan sa inuman. (baka di maniwala ang iba sa inyo pero ganyan po ako katibay sa inuman lalo na pag ako ang gumagasto huhuhu). Kelangan anjan sya para inspired ako uminom hehehehe..
4. Pag wala ako sa pinas kelangan maintain ang allowance nya. Kahit di na humingi kusa ko nang pinapadala every end of the month. Kahit na bawasan ko muna savings ko basta wag lang magalaw ang allowance nya... Na kung minsan kahit di nya ako itext gamit ang unlimited text nya sa roaming ko ay okay lang buo pa rin allowance ni mokong.
5. Kahit kung minsan ginagago ako okay lang. Iilang beses na ba akong nakatanggap ng wrong sent nya para sa mga babae nya, ang sagot ay... di ko na mabilang. There were times that I confronted him about it that he unhesitatingly denied na nakitext daw kaibigan nya at agad ko namang tinatanggap despite na sabi ng utak ko... "napakatanga mo". At yung muntik na kaming maghiwalay dahil ng mag open ako ng facebook account ko nakita kong online sya, so greet naman ako "musta na", nahulog ako sa upuan ng sumagot "di po ito si Miko, GF nya po ito". Instead na sumagot ako ay inilog-in ko account nya (ako yata gumawa nun hehehe) kaya ayun pinalitan ko password kaagad. Windang ang babae nya sa status na pinost ko " Hey You!... Yes you bitch! Whoever you are using this account... basahin mo to... Ang kapal ng muka mo, ninyo.. go to hell magsamam kayo!", pero nang magsorry si Maoy ng dalawang araw ay pinatawad ko na rin...
6. Madali po akong amuin pag mahal ko ang tao. Kunting lambing lang ay makakalimutan ko lahat ng kawalang hiyaan na ginagawa sa akin. Ewan ko ba, matalino naman ako, grumaduate with latin honors sa Engineering. Ayon sa on line IQ test 118 ang IQ ko pero nagpapaloko sa taong ang IQ ay di yata umabot ng 80...
Iilan lang po yan sa mga kagagahan ko pag umiibig ako... Luckily miminsan lang naman ako kung umibig, to be exact tatlong beses pa lang po in my 30 something years of existence.. Yaan ninyo pag me nangyari na namang kagagahan ko sa pag ibig na hindi nabanggit sa itaas ay iuupdate ko blog na ito...
No comments:
Post a Comment